21.12.2023 у 7-ым класе прайшло снежаньскае пасяджэнне ШАГа па тэме "Мая Радзіма ўчора, сёння, заўтра". Мэтай мерапрыемства было фарміраванне пачуцця патрыятызму, любві да роднай зямлі, людзей, якія жывуць побач, паказаць значэнне Радзімы ў жыцці кожнага чалавека, грамадзяніна сваёй краіны. На этапе "Мы даведваемся" вучні пазнаёміліся з гісторыяй паходжання населеных пунктаў, у якіх яны пражываюць, славутымі землякамі, наведаўшы школьны гісторыка-краязнаўчы музей.
На этапе "Мы разважаем" Аляксандра Талай правяла для аднакласнікаў экскурсію "Наш край у гады Вялікай Айчыннай вайны", засяродзіўшы ўвагу на экспазіцыі "Генацыд беларускага народа ў гады Вялікай Айчыннай вайны".
Заключным этапам мерапрыемства быў творчы праект "Мая Радзіма будучага", вынікам якога сталі распрацаваныя запаведзі сапраўднага чалавека.
