Выхаванцы гуртка "Юныя турысты" наведалі музей Ручніка, які працуе на базе ДУА "ВПК Корнадзьскі д/с-БШ". Усе з цікавасцю разглядалі музейныя экспанаты, некаторым з якіх больш за 100 гадоў. Вучні даведаліся, што для ручнікоў, створаных на тэрыторыі Гродзенскай вобласці , характэрны некаторыя адметныя рысы (белае поле, ромба-геаметрычны ўзор чырвонага і чорнага колераў). Для ручнікоў выкарыстоўваліся тканіны з ільну, а канцы ручнікоў упрыгожваліся карункамі, звязанымі на прутках ці шыдэлкам. Таксама зазірнулі ў "Музей у чамадане", у якім захоўваецца сапраўдны скарб - 7 саматканых ручнікоў. Кожны з іх мае сваё прызначэнне. Выціральнік - для выцірання твару і рук, трапкач - для захоўвання ежы ў полі, набожнік служыць для афармлення іконы, падножнік выкарыстоўваецца ў час вяселля, пахавальны - у час пахарон, абыдзённік служыць абярэгам, а намітка - галаўным уборам. Дзякуем Лысевіч В.А. за цікавуюі пазнавальную экскурсію.
Министерство образования Республики Беларусь
Отдел образования Свислочского райисполкома
Государственное учреждение образования
Хоневичская средняя школа Свислочского района
